ازاي تقفل امتحان اللغة الانجليزية ثانوية عامة ؟ الاجابة هنا




طلاب الصف الثالث الثانوي اهلا بكم في موقعكم المتميز دائما وابدا ايجي فاست التعليمي الكثير من طلبة الصف الثالث الثانوي يعاني من  بعض المواد خاصة وبعد الدخول علي الفترة الاخيرة من امتحان الثانوية العامة اليكم اعزائي الطلبة بعض النقاط السحرية لكي تحصل علي الدرجة النهائية في اللغة الانجليزية بسهولة ان شاء الله
 الEnglish فى الثانوية العامة إيه رأيك لو قفلت الامتحان ؟

 اززاى ؟؟!!!!!! هقولك الماده دى صعبه اوى بالنسبه لناس كتير وتافهه اوى بالنسبه لناس تانيه ايوه ليه يعنى ؟ دول اتولدو فى انجلترا ودول اتولدو فى مصر لا مش كدا خالص بس كل الحكايه ان دول بيتعاملو مع الانجلش بطريقه ودول بيتعاملو معاه بطريقه تانيه خالص عشان مطولش فى المقدمه .... تعالى نمسك امتحان الانجلش سؤال سؤال ... وازاى نقفله اول سؤال ال Situations المواقف .. الى هوا بيقولك شخص بيعمل كذا رد عليه بكذا شخص اخد منك حاجه الخ....

 السؤال دا99%مبيجاوبوهوش صح بسبب انهم مفهموش السؤال اصلا صح وسبب عدم فهمهم للسؤال هوا ان حصيلة الكلمات عندهم قليله واجابتهم محتاجه بردو كلمات لان الجمله الى بتبقى مكتوبه بيبقى 90% منها كلمات ..... يعنى كدا اول سؤال محتاج 90% كلمات عشان تفهم السؤال و9% تبقى حافظ الردود على الاسئله بطريقة مختصره 1% جرامر وممكن ميكونش فى لانك مبتستخدمهوش .

 ندخل على ال ال speaker  السؤال دا محتاج منك تحفظ كلمات لاماكن وللوظايف الى فى الاماكن كدا خلصنا من سؤال ال Speaker وعليهم هما وال situations ... فى حدود 8 درجات

 ندخل على ال choose السؤال دا تقريبا 16 نقطه متقسمين 8 جرامر و8 كلمات .. كلمات المنهج بتاعك ازاى تحفظها ؟ عشان تجاوب على ال8 نقط بتوع الكلمات ... اول حاجه لخصهم .. ازاى ؟ امسك المذكره الى فيها الكلمات وامسك ورقه كبيره فلوسكاب اكتب فيها كل الكلمات الى انت مش عارفها او مش حافظها .. وال8 نقط بتوع الجرامر ؟ ؟ امسكله ورقه تانيه او ورقتين واكتب القواعد كلها بالترتيب تحت بعض وامسك كل قاعده وحط عليها جمله كمثال

 ندخل على ال find the mistake بيجيلك 6 نقط 3 اخطاء فى حروف فى الكلمات او الكلمه نفسها مش مكانها و3 نقط اخطاء قى قواعد جرامر انت لو عملت الى قولتلك عليه فى سؤال الchoose هتحل الMistake بكل سهوله كدا معانا 14 درجه تانيه

 ندخل على القطعتين ... كل الحكايه محتاجين حصيلة كلمات من الى انت حفظتهم فى الاسئله الاولى دى وتمسك القطعه تقرا واحده واحده وتكتب فوق كل كلمه معناها وكل متخرج بجمله مفيده تحت تحتها خط او تشوف الكلمه الى فى السؤال وتدور عليها فى القطعه وتاخد الى بعدها كله لحد متوصل للنقطه دا لو انت مفهمتش اى حاجه فى القطعه .....القطعتين عليهم8 درجات من الهوا

ندخل على القصه ... القصه عايزه تعمل فيها 3 خطوات تقراها الاول بالانجلش وتشوف فهمت منها اد ايه كدا 9 درجات تانيين

ندخل بقى على البرجراف ودا عليه 6 درجات محتاج واحد حافظ كلمات ودا انت هتكون حلتها باذن الله وواحد يقدر يكون جمله بشكل صحيح ودى هتكون اتحلت بردو من الجرامر والكلمات الى انت هتكون ذاكرتهم ... ندخل على الترجمه .. السؤال دا اسهل سؤال للى حافظ كلمات واصعب سؤال للى مش حافظ ..........

ملخص الرغى دا كله معلش طولت عليكم 99% من الامتحان كلمات احفظ كلمات ... بمقدار ساعه واحده يوميا خصصها للانجلش خصصها لحفظ الكلمات الجرامر لخصه فى ورقه او اتنين وعيد وزيد عليه كل يوم.
شارك الموضوع